簽無綫得8,000？張文慈澄清：得啖笑

藝人張文慈（Pinky）簽約無綫後工作量不絕，日前她又出發到成都登台。由於不是第一次到訪當地關係，Pinky已累積到成都一班忠實粉絲。當得悉偶像到訪，他們竟「聯成一線」，決定為Pinky製造驚喜：「我去嗰幾日唔係假期，佢哋竟然請晒假嚟陪足我兩日，嚟接機、送機之餘，更親手造咗啲曲奇餅畀我，好感動呀。」時值桂花盛放日子，Pinky甫下機即聞到花香，難怪她表示此行很開心。

對於被指靠好姐妹萬綺雯簽入無綫，Pinky笑謂：「總之我簽咗約佢都未知。（話底薪得8,000蚊喎。）無綫畀我嘅條件，真係畀預期中好囉，成件事得啖笑。」