馬德鐘唔反對仔仔拍拖:我都年輕過

20160910
東網電視
更多新聞短片
馬德鐘相信仔仔馬在驤(紅圈)未拍過拖,但係就算仔仔有拖拍佢都唔會反對。
藝人馬德鐘出席心肺復甦教育計劃活動,他還即席示範急救技巧。他續表示早前跟家人到了馬來西亞享受陽光與海灘的假期,故將至的中秋佳節會留港度過,並謂已完成內地劇集的拍攝:「依家傾緊年底嘅戲,嗰陣唔會咁熱啦,希望喺農曆新年前拍完返嚟過年。」
仔仔以讀書為重
問到其18歲的仔仔馬在驤是否正式入行?他說:「之前出席活動啫,佢讀緊書,以讀書為重,係可以畀佢有多啲嘗試,畀佢見多啲呢個世界,係一個好好嘅體驗。(有人話娛樂圈辛苦,你支持佢入行?)做每一個行業都辛苦,無論佢選擇咩工作都會支持佢,最緊要係佢做得開唔開心。」
信仔仔未拍過拖
談及仔仔早前稱自己從未拍過拖,他對此表示:「以我所知冇,佢冇時間,要返學、練水,返到屋企都8、9點,仲要做功課,我相信佢係冇,但如果佢有拖拍都唔會反對,自己都年輕過,我覺得唔需要刻意管住佢做咩,係要從旁指導佢點去思想、處理事情。」