【索腿天后趷籮】陳敏之晒大肚比堅尼照

「索腿天后」陳敏之呢個名果然名不虛傳，就算佗住6個幾月B仔，對美腿依然喺度！話說敏之趁住BB仲未出世，就大住肚去咗玩，雖然佢就冇講明去咗邊係咪同老公去，但就留言「同仔仔（囝囝）baby moon下（吓）先」，睇相就似去咗有陽光與海灘嘅地方旅行！

而今日佢仲上載張比堅尼泳照，見佢趷起Pat Pat望住隻獨角獸大水泡！雖然佢就企得好好好…遠，但係佢條腿依然搶鏡，睇落個肚都唔算好大?！如果敏之乘機影番輯大肚泳裝寫真，再Happy share就好喇！