劉穎鏇無緣奪冠唔失望：可能我年紀太細

《2016香港小姐競選決賽》塵埃落定，奪得亞軍的2號劉穎鏇（Tiffany）賽後接受傳媒訪問時，被問到未能坐上冠軍寶座會否感覺失望，她就非常豁達：「唔係會特別好失望，第二名都好開心。（覺得自己輸啲咩？）可能我中文唔係太好，同埋年紀好細。」

至於會否考慮留港於娛樂圈發展，她即謂：「都想嘅，睇吓有咩機會可以畀到我。（拍劇？主持？）都想嘅，同埋做吓模特兒、拍吓廣告咁。」不少網友都指Tiffany「樣靚身材正」，甚有冠軍相，但最後失落冠軍，問她自己會否同樣覺得自己大熱倒灶，她對此看得好開：「咁又唔會嘅，每個人都有自己鍾意嘅人，我都好開心有咁多人支持我，所以第二名都好滿足！」

問到有否想過會奪冠？身為亞軍的Tiffany笑言沒有想太多，來自洛杉磯的她表示因為得到香港觀眾的認同，因此特別感激。