丁子朗拎亞軍興奮到爆：好想喺TVB發展

應屆港姐及港男三甲順利誕生，港男亞軍兼最上鏡先生9號丁子朗賽後接受訪問，問到有否失望？他說：「我冇失望，興奮到爆炸！見到Jackson（冠軍黎振燁）拎獎，大家都狂忍眼淚，一分鐘演說嗰陣，聽到佢講嘢大家都好感動，我係最後一個講，又唔可以喊！Jackson係值得呢個獎，等咗八年，TVB搵佢做主角啦！我做配角。（覺得自己爭啲咩？）經驗，好多嘢都不足。我剛剛過18歲，條路已經好順，好感恩，唔係好多人有呢啲機會，會繼續努力。（留港發展？）呢個真係唔知，我好掛住屋企，父母、家姐、親人都喺多倫多，我真係好想返屋企。但如果有機會留喺TVB發展，我都好想試，呢個係我夢想，依家唔追，唔通60歲先做咩！我都應該會留港，得閒就返屋企。」