再被起底！馮盈盈孖醫生男友Sweet到爆

今屆港姐完滿結束，由頭熱到落尾嘅馮盈盈得到36,679票成為香港小姐冠軍，其實參選港姐嗰陣，馮盈盈已經公開話自己有位醫生男友鍾文浩（Martin），尋晚Martin仲同馮媽媽齊齊喺現場撐女友，為女友加油打氣！

成為冠軍嘅馮盈盈，感情事喺instagram再度畀人起底同討論，其實之前馮盈盈喺instagram已經上載咗同男朋友嘅合照，不過唔知係咪要專心比賽，馮盈盈參選期間已經將佢同男友嘅相刪晒！之不過另一邊廂，有個選美冠軍嘅Martin，似乎冇有怕，仲用緊佢同馮盈盈慶祝生日相做Facebook頭像，入面仲有張兩個人咀對咀嘅合照，認真閃到爆！

而Martin做得醫生，當然成績係好好喇，就讀傳統名校嘅佢，喺2005年會考勇奪10A，之後揀選入讀香港大學醫學院，依家喺瑪麗醫院任職內科駐院醫生㖭！