名人：畀梁朝偉突撃哄埋身　婷婷唔敢笑

藝人謝婷婷出席活動時，透露剛度過了34歲生日（9月7日），她表示當天要拍戲，但父親謝賢及母親狄波拉突然來探班給她驚喜，令她十分感動！

已屆34歲的她，問到會否心急找個伴？她笑說：「唔心急，都冇諗過要幾多歲結婚，嚟緊都好忙，要去意大利兩個月拍戲。（拍咩戲？）《歐洲攻略》，同梁朝偉合作。（有冇動作場面？）有，所以要學，有機會見到咁多咁勁嘅人喎，佢哋可以凌空轉。」

瘋狂偷師

問到有否被梁朝偉電眼電倒時，她笑說：「有場戲佢要突然哄到好埋，如果平時我一定笑咗，但畀佢影響好易入戲。（向佢偷師？）有呀，好多時未到我戲份我都會去片場睇佢，成日去偷師。」談到王菲即將舉行演唱會，婷婷即謂很想看，更反問記者王菲會否來港開演唱會？她說：「我有睇過佢個演唱會，一路有聽佢嘅歌，我中文唔好，我淨係識唱佢嘅歌，仲有張學友。」