金剛有新女友？阮兆祥：佢係黃金單身！

藝人阮兆祥於藍田出席無綫劇集《巨輪II》宣傳活動，談到他有份演出的《巨輪II》及《為食神探》目前同步播出，他謂喜見觀眾在街上見到他嗌他的角色名，更笑謂：「唔止兩套一齊播，係三套，仲有《皆大歡喜》重播緊。」

談到蕭正楠生蛇，他說：「真係可大可小，同壓力、免疫力有關。（走紅既代價？）都冇辦法，我試過開劇三日冇返屋企瞓，食飯時間就爭取嚟瞓覺，埋位前就食兩啖！」又建議演員們拍外景不要駕車，可爭取時間在外景車上休息。

談到金剛疑交新女友，他笑謂：「唔知真定假，又話佢特登搵個男友人隔開佢地！」笑指金剛是黃金單身，又後生又靚仔。