李佳芯畀智叔怒睥兼狂鬧：唔敢同佢傾偈

藝員李佳芯（Ali）現身將軍澳宣傳新劇《律政強人》，講到廖啟智在台上罵她「死蠢」，Ali笑言在戲中角色個性黑白分明又忠直，問智叔在戲中是否亦罵她死蠢？Ali說：「經常畀佢鬧，仲怒睥我，拍劇初時都唔敢同佢傾偈，後來耐咗覺得佢好玩得，未roll機嗰時好似小朋友！」

想搣甩狐狸精封號

Ali近年演繹不少「邪花」角色，她坦言今次角色反差大，並望藉此洗底。問到會否有感情線？她透露：「姊妹情、同張曦雯、黃智雯，後尾都有仰慕方sir（方中信）。（有親熱戲？）咁又冇。（想搣甩狐狸精封號？）都想㗎，話晒跟咗我咁多年，想大家睇到一個死蠢嘅Ali。」