狂買黑衫遮肥　蒙嘉慧嘆夏天焗着外套

藝人蒙嘉慧（YoYo）、王喜、黃修平導演等出席導演分享會。YoYo五月出席活動時身形發福不少，但今日以全黑造型亮相的她明顯消瘦不少，問到是否有努力運動keep fit？她笑謂：「有努力買好多黑色衫！運動都有努力，但好難，做得唔夠多。」她又笑言夏天都要着外套遮贅肉。

爆老公私下嫌肥

她又透露將拍攝一套藝術電影，戲中飾演當代舞老師，笑言可乘機keep fit：「會有個老師單對單教我啲基本嘢，每日要練3個鐘，我諗一定瘦到！（有冇跳舞底？）冇呀，零，冇底子，個老師話雖然我四十歲有多，但仲有信心教到我。」提到老公鄭伊健指她之前太瘦，她說：「冇呀，佢同你哋係咁講，返到去咪一樣咁話我（肥）。」又指近日兩人沒有空閒時間一起打羽毛球。

老公全力支持做導演

YoYo這次擔任導演，拍攝了一段30秒有關香港的短片。她指拍只有30秒的片很有難度，因為關於香港的主題太多，最後她選擇了以食物及環境做主題：「我好鍾意食雞蛋仔，其中一日我就入咗大澳拍伯伯嘅炭火雞蛋仔。嗰度仲可以食到氮氣雪糕，嗰個新同舊嘅融合好有趣！」問到做導演可有叫伊健給予意見？她表示沒有，因為她認為拍攝是很主觀的事：「反而會分享，同埋佢都畀咗好大support我，佢幫我問陳光榮幫我做音樂，好感激佢哋！」