仲未買樓！陳鍵鋒嘆拍劇人工好低

藝人陳鍵鋒出席電台電視部節目巡禮活動，大部份時間都在內地拍劇的他，近月返港為電台拍劇集，不過，拍畢後又會返內地開劇，會到敦煌、橫店及北京取景，敦煌更是他首度踏足之地；他又謂冬天及夏天到敦煌拍戲都比較辛苦，故會準備好行裝。

自認唔識投資

問到在內地密密拍是否已買了很多物業？陳鍵鋒謂：「我人工好低咋。（香港同內地都冇置業？）冇呀！（賺咁多錢用喺邊？）用嚟食同旅行。（投資呢？）樣樣少少啦！都係朋友叫，我都唔識投資。」

慶幸早外闖

講到當年無綫同期小生已離巢離得七七八八，只剩下馬國明，陳鍵鋒謂：「香港係自由市場，商業機構新舊交替係好正常嘅事。（出面機會吸引好多？）慶幸自己係早咗啲出嚟試到唔同地方嘅製作。（出面吸金多啲？）咁都要睇每個人嘅能力，如果冇能力都唔會吸到。」

無綫冇邀合作

問到離開無綫後，無綫可有找他再合作？他笑言：「我唔知喎，好似冇乜印象。」問到在內地可有試過和之前一班同期小生合作？陳鍵鋒謂：「咁反而好少，但都試過喺拍攝現場見到，有過人哋劇組度一齊食飯。」