林頴彤自爆宅到中秋冇人約

藝員林頴彤（Bella）、網絡紅人杜小喬、莫凱謙在旺角出席慈善活動向小朋友分享減壓心得。林頴彤坦言有工作壓力，並謂太忙時會迷失，她說：「自己會聽歌做運動減壓，打泰拳可以發洩一下、跑步就可以諗吓嘢。」Bella另外透露已由110磅減到現時只有95磅，更因不想殺生，近期開始茹素：「依家茹素好多選擇，唔使捱餓。」

講到中秋節，Bella自言因沒有男仔約，故留在家中做宅女，她說：「朋友約得多都知我唔會出去，所以都冇叫我，我係宅女嚟。所以識嚟識去都係公司同事，都做咗朋友。」

另林頴彤早前透過經理人通知傳媒，指大家之前一直寫她叫「林穎彤」其實是搞錯了，她名字的正確寫法應為「林頴彤」。