藝人李亞男在將軍澳電視城為無綫遊戲節目《我愛香港》擔任嘉賓，提到老公王祖藍在內地受歡迎，主持曾志偉說：「你（李亞男）屋企係咪好多人民幣，祖藍每次返嚟係咪都抬住啲人民幣返屋企。」逗到李亞男大笑。

李亞男接受訪問時講到祖藍希望過兩年二人世界就生BB，她說：「想搬出去先，今年會搬，希望過多兩年二人世界先生，最後一年父母會嚟香港照顧我，等我調理身體做好準備，佢哋都好緊張，順其自然啦。」

被問到好姊妹鍾嘉欣近況，李亞男說：「我哋成班姊妹想約埋去探佢，佢都係呢排先得閒啲同我哋聯絡。佢好叻，湊BB自己搞掂晒，唔係咁容易，我都趁機向佢學習。」