鄭嘉穎恭喜謝安琪佗B女：我都會加油

藝人鄭嘉穎出席公開活動，透露專程來撐老友洪天明、曹永廉等20多年老友場，自言不懂做生意的他，表示投資事宜一切信母親，更謂：「買磚頭夠穩陣。（買咗幾多舊？）都疊得幾多，不過唔講呢啲啦。（外地置業？）都唔止香港，美國同其他地方都有親戚，話晒血汗錢，都會叫親戚睇住。（有冇蝕過？）托賴就冇，股票就梗係有，唔開心事唔記得。」

未知會否續約無綫

談到無綫合約至年尾屆滿，問到可會續約？嘉穎表示現時也有不少選擇，當中包括無綫，但尚未能作出決定，更謂：「咁香港同內地公司都有選擇。（搶手貨？）唔好咁講，依家市道喺內地多選擇啲，發展亦蓬勃啲，我唔排除呢個可能性，總之現時拍完劇就會放個小假，之後就投入音樂劇綵排。」

稱陳凱琳未到視后級

對於曾合作劇集《殭》的謝安琪宣布佗B女，嘉穎聞言即謂：「梗係恭喜佢，湊成個好字，呢方面我會加油，畀啲時間我。」至於女友陳凱琳演出的新劇《巨輪II》，嘉穎坦言忙於開工還未有時間收看，曾比喻女友演技如小學程度的他謂：「之前都係比喻，每個人都要一步一步嚟，冇人一步登天，畀啲時間大家，成熟演員需要時間，出嚟拍兩年嘢好難去到視后級，咁就唔實際，不過對佢有信心，畀啲時間佢浸淫吓！」