黃智雯孖張曦雯李佳芯「醉」住拍劇

20160918
東網電視
更多新聞短片
黃智雯仲自爆飲一杯佢塊面就紅晒喇~
藝人黃智雯於油塘為無綫新劇《律政強人》作宣傳活動,兩大男主角方中信與廖啟智(智叔)未有到場甚為失色,智雯亦密實上陣只露小部分的纖腰來撐場,對於曹永廉笑指一眾女星密實,智雯就謂:「套劇sell專業,型格啲囉!」又謂掛念智叔及方sir,謂知道二人都工作忙碌,明白對方難以抽空宣傳。
請智叔食飯
劇中與智叔有不少對手戲的黃智雯,直言學到不少技巧:「畀意見我,叫我留意聲線,從來都冇人提我呢樣嘢!(請食飯多謝佢?)都要啦,邊個請都無所謂!」
劇中少感情戲的她,謂與張曦雯及李佳芯有姊妹情戲,最深刻的一場是她們齊齊摸酒杯底傾心事,為更投入就一支紅酒三個人飲:「真係飲到High High哋,我飲一杯塊面都紅晒,我哋三個咪喺度傻笑囉!」又指拍畢見到方中信,對方問她為何面都紅埋!