東方日報C1:39歲謝安琪宣布佗B女
恭喜恭喜!現年39歲的歌手謝安琪(Kay)自從全面停工後,一直與老公張繼聰努力造人,昨日終於正式宣布再度有喜,如願佗得B女,與兒子張瞻湊成「好」字!相隔差不多十年再度成功懷孕,Kay開心得喜極而泣,她坦言並無依靠任何偏方,一切全靠爆肌老公夠叻!
女神謝安琪今年初宣布完成4月的紅館個唱後將暫別幕前一年,全職做家庭主婦及與老公張繼聰積極造人,雖然連月來被本報多次影到肚凸凸、孕味極濃,惟她一直未有承認懷孕消息。至昨日,Kay終於證實有喜兼佗B女,與9歲的兒子張瞻湊成「好」字!張繼聰受訪時亦說:「依家過咗三個月,可以講喇!」
多食天然食品
《東網》昨日獨家率先披露Kay造人成功的好消息,據Kay的閨密透露,當她知道佗B女時,開心到喜極而泣,並大叫:「BB報告出咗喇!係一個好健康嘅BB女,我真係好開心呀!感謝天父。」本報記者立刻致電Kay求證,她回應時一度哽咽,表示非常感恩和感動:「我年紀依家真係大啲喇,比起上一次生小朋友,樣樣嘢都要好小心,好多嘢都要注意!」問到有何秘方?她即怕醜表示並無靠任何偏方或食補品增加懷孕機率:「其實冇秘方㗎!愧對大家,好多人問我個中醫係咪專生BB嘅,我都答咗,我係想調理好血氣,可能血氣好咗就好啲,平時我就食天然嘅嘢多。」她又大方透露有計排卵期,在最佳時機把握機會造人,不過就將功勞歸於猛男老公阿聰:「可能係張繼聰叻囉!我唔知呀,你哋去問佢好過啦!」
而阿聰連日來多次被追問Kay有喜一事,昨日他在社交網上載Kay的肚皮照,宣布再做老竇:「成日畀人問到口啞啞,終於可以好正面咁宣布一件好正面嘅事!我又做爸爸啦!我會繼續愛錫太太!」記者致電張繼聰送上祝福,他興奮透露BB預產期是明年4、5月,又指近日已完成所有通宵的工作,可以日日陪太太:「佢依家好乖,日日留喺屋企休息,因為今次佢反胃、害喜嘅反應大過上次好多,不過佢依家冇再好似早排咁成日嘔。」
笑言愈儲愈多女
阿聰坦言生仔或女都鍾意,最重要BB健康,不過家中再添一名女成員令他不太適應:「我全個家族差不多都係仔,依家結咗婚,有太太,同埋工人姐姐,仲有B女,儲女儲得愈嚟愈多!」提到今次成功造人,阿聰表示要多謝本報經常幫忙催谷及請堪輿學家分析:「愈嚟愈多人講,『吸引力法則』加速事成!」又表示曾與兒子張瞻討論即將誕生的妹妹,承諾定必一視同仁,不會分薄對他的愛。
而Kay隨後轉貼老公的文章,並留言表示有一本書講生孩子不是為了傳宗接代、養兒防老,而是為了參與一個生命的成長,參與意味着付出與欣賞孩子,令她非常感動。
更多新聞,請瀏覽東方日報網頁: