【有靚湯飲】岑杏賢大晒同嫲嫲溫馨合照

出爐港姐馮盈盈早前因為「粗口事件」搞到滿城風雨，上屆麥明詩都走出嚟力撐佢。不過前港姐岑杏賢一於好少理，趁住尋日係星期日享受一日家庭樂，佢仲喺社交網站上載同嫲嫲嘅合照，大晒溫情。佢留言話：「最溫暖係飲到嫲嫲煲嘅花膠湯，每一次飲都會諗嫲嫲要特登早起去煲，嫲嫲好鍚（錫）我們，我知道的！做孫女最開心係見到嫲嫲，一樣咁精神咁靚咁開心。」所以話家有一老如有一寶，呢句話絕對正確，唔知袁偉豪又飲過幾多呢？