【7月認戀…】吳若希哽咽認與才俊分手

現年24歲的歌手吳若希（Jinny）今年7月在Facebook高調晒愛，公開她與富二代澳門才俊Alex Ho拍拖，當時兩人頭貼頭兼着上情侶裝，更戲言逼婚添！女神正式宣布封盤，此舉不知令多少網民喊濕枕頭，不過網民或者唔使再喊，事關今日凌晨時分，吳若希突然在社交網站Instagram高調宣布分手，她說：「既然認愛的時候那麼高調，那分手也要高調點～各位，我又恢復單身啦！」有傳吳若希與Alex拍拖約半年，期間男方一腳踏兩船。

分手冇第三者

對於分手原因，吳若希接受《東網》訪問時強調：「冇第三者，確實原因我覺得唔需要再去講喇，始終已經分開咗，so far我OK嘅，希望有多少少時間畀我回復吓心情啦。」初時吳若希語氣比較平淡，惟獨講到自己的心情「要時間回復」時就明顯有少少哽咽，似乎佢真係好唔捨得呢段情喎！