度蜜月係咁提軒仔　王菀之唔怕老公呷醋

歌手王菀之（Ivana）與好友張敬軒出席《星光熠熠耀保良》記者會。談到明年二人的演唱會預售情況理想，Ivana表示將加開一場，問到會否再加場？她謂：「要賣晒先可以再加場。（會唔會叫軒仔增肥？）今次主要玩視覺效果，我同佢會令大家有幻覺，唔使操弗情況下都睇到係fit。」

眼見Ivana下巴爆瘡，軒仔即大講有味笑話，寸對方「食得好嘢多」，Ivana聞言即笑謂：「濕熱啫！呢排又飛得多。（去度蜜月？）係呀！其實每個旅行都可以叫度蜜月，今次用咗三個半星期去咗四個國家。」軒仔再打蛇隨棍上追問Ivana有否造人，是否一個國家造一個等，惹笑非常。問到Ivana此行與老公可有甜蜜事？她謂：「我好開心可以同張敬軒開concert，所以喺個trip度每日同老公都講佢，佢唔會呷醋嘅。」而軒仔就表示屆時兩人會有辣身舞，更以跳得勁過舞台王者郭富城為目標，嚇得Ivana嗌怕怕。