榮升義氣Icon　龔嘉欣重提機場驚魂

為咗保護好友陳智燊同宋熙年嘅英倫浪漫「秘密」婚禮，龔嘉欣之前同楊明出發去英國時大玩「掩眼法」同「無厘頭」，結果搞到嘉欣形象插水，驚變大話精。不過當事件真相大白後，嘉欣即時升呢，變為最新「義氣Icon」，個個網民都畀Like。嘉欣事後再接受《東網》訪問時，提到「大話精」誤會時笑言：「當時見到一大班記者，我好驚，擔心守住咁耐嘅秘密會穿煲。當時真係好亂，是但講咗個地方去馬來西亞，擔心一提倫敦，大家會聯想到佢哋嘅婚禮。」