新歌夠催淚 鄧小巧自爆喊住錄音

20160922
東網電視
更多新聞短片
鄧小巧真係好努力,大家都睇得到!
歌手鄧小巧日前到電台宣傳新歌《強弱》,她透露很開心新歌邀得王菀之(Ivana)及藍奕邦為她作曲填詞,其中Ivana是首次作曲給她,她說:「其實我上年二、三月邀請過佢一次,但佢嗰陣拒絕咗我,但冇諗過隔咗一年,今年四月佢主動搵番我話『唔知小巧仲鍾唔鍾意我?如果佢依家仲鍾意我,我都可以寫歌畀佢架』,我即刻應承,簡直要開香檳慶祝,唔知幾生修來嘅福氣!(點多謝番佢?)我會繼續支持佢嘅音樂,同埋唱好呢首歌。(想同佢合唱?)嘩,唔敢奢望,如果有,我諗起都好興奮!」
她亦謂此歌感情方面都難表達,但開心的是新歌整喊了不少朋友:「有啲網友話有日唔開心聽完我首歌係崩潰,其實我好鼓勵人喊,有研究發現喊係會令人內心堅強咗,釋放大家情緒係我目的。」
喊住錄音監製手足無措
她亦透露自己錄音時有喊:「尾嗰幾take係喊住嚟唱,搞到監製手足無措,我喊係因為一嚟首歌嘅編排各樣好好聽,二嚟係諗番起自己一路以嚟行過咁多嘅路都勇敢面對。(例如之前啲人抨擊你外表?)好多嘢,例如仲有將來,好多嘢冇信心等等。」
要線條唔要減磅
另外,她透露現時忙於修身:「唔係要好瘦,係想要番啲線條,依家過咗個幾月,發現減咗一公斤脂肪,其實體重係冇變過,係啲肌肉增加咗,磅數唔係指標,但腰、腳都明顯瘦咗,因為脂肪少咗,啲肉實咗。(目標減幾多?)計劃目標係幫我減五公斤脂肪。」