【直認樣衰】平胸鄭秀文爆中門尖叫求助

連日抱病聲沙開演唱會的鄭秀文(Sammi)，休息一天後繼續到紅館為第五場騷演唱，楊千嬅與老公丁子高、薛凱琪、林保怡、周家怡、王宗堯、游學修及洪天明夫婦等均有捧場。

不過，Sammi演唱會上又有「蝦碌」，她穿上黑紅色晚裝長裙在台上風騷走一回時，背脊位置竟突然「爆裂」大開中門，狼狽得要反手按住背面，並尖叫求助：「我條裙拉鏈爆咗呀，救命呀，好驚呀，我咁瘦點解會爆？！」工作人員立即衝上台替Sammi穿上運動外套，名副其實「?爆」的Sammi更邊着外套邊自嘲謂：「我都話Part2有嘢唔同㗎啦，又走音又爆裙，一陣甩褲添呀！lalalalalala我好樣衰呀！」

嚇到聲都開埋

就在Sammi徬徨之際，特別嘉賓黎明（Leon）突然出場，並在Sammi身邊行了一個圈，以確定Sammi沒有走光，而沙聲的Sammi則繼續唱：「lalalalalala我爆咗呔！嘩，聲都開晒呀！」

黎明又有金句：實與虛嘅邊緣

Sammi之後叫Leon「明福俠」，Leon則抵死笑稱因胃部不適，所以要除掉明福俠盔甲去洗手間。Sammi問：「你屙坺坺？」Leon回應謂：「我諗住今日嚟唱歌要多啲energy，食意大利粉，可能好食得滯食多咗一碟。（你面青青梗係「屙爛屎」啦？）實與虛嘅邊緣，冇事嘅！」

同病相憐

Sammi亦自嘲一番謂：「我都爆到落籮柚，但把聲開咗喎！」Leon安慰她：「把聲開咗咪好囉！」Sammi說：「好開心，但我淨係想開聲，唔想開拉鏈！」Leon即拋金句：「呢個世界好多事都係事與願遺！」Sammi此時更拉黎明落水謂：「你（開騷）失篷、我失聲，但我哋處理危機方法都唔錯呀！」Leon即笑說：「你性感啲！」

撐唔起性感戰衣

演唱會尾聲，Sammi穿上一件中門大開的掛頸裝，從後望是超級大露背，雖疑似真空上陣，可惜Sammi依然胸平如「iPad」，令性感設計無用武之地，吸睛度大大減低。