【激罕】周董被公開密照　昆凌挨實老公

台灣天王周杰倫（周董）好友劉畊宏經常開心Share周董行蹤，等網友有機會知道周董近況！不過呢次唔止得周董一個，仲有佢老婆昆凌喺度，兩公婆仲要勁親密呀！

佢哋兩個忙裏偷閒，撇低囡囡「小周周」（Hathaway）去咗食烤肉，劉畊宏喺微博上載三人合照，留言：「昨晚我們一起『烤肉』一起『飄移』看看我們的表情，到底誰吃的多？…誰又開的快呢？」邊個食得多邊個開得快相信唔係重點，大家都只係見到昆凌從後緊貼老公兼搭住老公膊頭，小鳥依人咁，而周董就Chok住嘟嘴晒V，非常親暱！可以見到佢哋兩個咁Sweet，仲要咁難得一見，真係要多謝劉畊宏喔！