同無綫爭萬綺雯？馬浚偉：佢係最適合人選

藝人馬浚偉及羅敏莊（Mimi）接受《有線娛樂新聞》主持鍾煒喬訪問，宣傳兩人有份演出的舞台劇。馬浚偉透露今次演出徐志摩一角，將會讓大家耳目一新，他說：「徐志摩喺處理感情同私生活上，一向被人負評，我創作嘅呢個劇本唔會美化佢嘅故事，反而會赤裸裸將佢拋妻棄子最狠心嘅一面演出嚟，我已經預咗觀眾睇完會鬧我！蚊蚊（萬綺雯）今次飾演陸小曼，係最適合嘅人選，佢有一種民國大美人嘅氣質，呢個角色係為佢度身訂造！（傳佢為咗演出你呢個舞台劇，推咗無綫劇，你搶人？）冇，如果人哋要唔畀你，你又點會搶得到呢？」

馬浚偉事業得意，被問到何時才肯成家立室？他坦言：「感情方面唔急得，要嚟就嚟，我最近生活習慣唔同咗，識多咗好多新朋友，要慢慢考慮。」Mimi則大讚馬浚偉是「筍盤」，她說：「我相信只要佢OK，一定有好多女仔排晒隊。以佢今時今日男一嘅地位，佢願意放低一切，為舞台劇付出咁多時間、心血同金錢，呢份熱誠令我好感動，所以我寧願犧牲陪囡囡嘅時間都要參與演出！」