【重創】陳鍵鋒爆曾遭師奶偷桃：冇仇報

藝人陳鍵鋒、衛詩雅及林芊妤（Coffee）分別穿上西裝及低胸婚紗拍攝電台劇集，谷胸上陣的Coffee更搶盡「峰」頭。兩女異口同聲表示怕嫁唔出，Coffee說：「聽人講着好多次婚紗會嫁唔出。」衛詩雅說：「係呀。（點解唔Push吓？）既然Push同唔Push效果一樣，咁就算喇。」對於同公司的張致恒承認有「性上癮」要求醫，衛詩雅說：「有睇報道，唔係好了解件事，唔方便評論咁多，佢要努力工作。（有冇溝過你？）冇。（有冇上過你屋企？）冇，我屋企唔畀人上。」

談到被衛詩雅踢爆日前拍外景時畀女圍，陳鍵鋒笑說：「係畀好多媽媽年紀嘅女士摸手、髀同腰。」經常到內地登台的鍵鋒更承認曾遭「偷桃」，他說：「都幾激氣，呢啲冇仇報。（何B仔重創？）有啲力度同痛。（之後夾住行？）冇咁誇張。」