【40吋長腿】33C朱盈盈怕痛唔敢整容

前中國小姐香港區冠軍朱盈盈（Zenia）擁有33C上圍及40吋長腿，身材Fit爆。她早前推出寫真月曆後更人氣急升，最近更獲外國知名時裝品牌邀請拍攝潮流服飾廣告。

校花級女神

對打扮頗有研究的Zenia自認貪靚，而她可算是天生麗質，自小已是校花級女神，裙下之臣無數，令她感開心但又覺麻煩：「佢哋追我嘅手法層出不窮，以前返大學嗰陣有好多男同學討論我，又喺課室門口送禮物畀我，但我會覺得尷尬，唔係咁自在。」

入行後Zenia需要長期保持至索狀態，但她堅持用自然方法，不接受後天加工：「我希望做個由內靚到外嘅女仔，而且我超怕痛，所以唔會整容，寧願會選擇自然方法令自己靚啲，例如做運動同勤力啲護理皮膚，我覺得愈來愈多公式化人工美女，但依家自然美反而會加分，我亦都希望將來同老公生嘅BB，係似我個樣嘅。」