莊端兒出入愛巢　張致恒死撐訛稱已搬走

張致恒（Steven）被《東網》踢爆背正印女友莊端兒（Xenia）「偷食」台灣妹Doris，東窗事發後，Xenia聲淚俱下辯稱兩人早已分手數月，但原來所謂的分手係掟煲唔掟蓋，昨日下午，Xenia更披頭散髮離開與Steven同居愛巢。

對於Xenia被撞破繼續出入同居愛巢，Steven為補鑊急認自己已搬走；記者再追問他們是否復合時，他說：「嗰度係Xenia屋企，唔好再騷擾佢啦，因為我哋分咗手，所以我已經搬走咗。」但事實《東網》之前追蹤Steven於將軍澳和Doris短聚後離開，當時他是乘的士返回牛池灣愛巢，加上Steven好友邵子風亦在前日下午4時多到訪上址，Steven已搬走之說似乎並不成立。