曹永廉難忘黎耀祥軟唇：好咀過啲女仔

藝人曹永廉、李佳芯（Ali）、黃智雯及張曦雯等到觀塘宣傳TVB劇集《律政強人》，昨晚一集阿廉與何綺雲有激咀場面，台上阿廉笑言只得拍劇才有機會咀女，亦不敢叫老婆睇此幕！之後阿廉受訪，問到多久沒有拍咀戲？他笑說：「幾乎套套都有，啲導演對我好好！最記得之前《妙手仁心II》同陳潔儀要Kiss，佢畀12款唇膏味道我揀，好細心，後輩真後要學習。至於咀得最多就係《飛女正傳》同蔡少芬，因為一咀佢就變超人，成日咀，咀到厭，記得當時我個仔得兩歲幾，佢睇電視見到我咀其他人，即刻望住我老婆！希望我拍多啲，個仔會睇慣啦！（老婆有冇呷醋？）都冇辦法。（尋晚場咀戲有冇同老婆備案？）冇㗎！導演仲想表現得狼啲，要咬埋耳仔，咁唔伸脷就ok啦！」

阿廉又重提十多年前與黎耀祥拍戲上演「同性之吻」，他大讚祥仔好咀，令他記憶猶新：「估唔到佢個唇好滑，又腫又軟，仲好咀過啲女仔。（念念不忘？）唔係，因為第一次錫男仔啫！」