【大晒長腿】李佳芯擔大旗畀阿媽嫌棄

藝人李佳芯（Ali）、黃智雯（Mandy）、鄧佩儀及張曦雯等到觀塘出席劇集《律政強人》宣傳活動，大玩以足代手的桌球遊戲。對於兩大男主角方中信及廖啓智再缺席，Mandy笑說：「佢哋係壓軸嘉賓，之後收視愈好，佢哋就會出現，方生請食飯就一定要啦，佢喺大陸搵咁多！」

阿媽嫌冇做過嘢咁

Ali及Mandy表示劇集口碑甚佳，身邊好友均大讚劇情緊張。講到Ali首當女主角，問到現在看到自己演出感覺如何？她卻搞笑說：「我阿媽都有睇，話我好似乜都冇做過咁，好傷心！可能好多觀眾都係咁諗，其實頭十集係鋪線，開頭主要係兩位男主角，之後我哋班女仔會多啲。」Mandy亦說：「慢慢各個人物性格會具體啲，好多角色都亦正亦邪，好多內心戲。」

分工合作派福利

講到上次曹永廉嫌一眾女演員不夠性感，今日她們終稍派福利，Ali露腿、Mandy騷膊、曦雯則露腰，Ali說：「我哋姊妹情深分工合作，一人露一啲！」Mandy說：「好似套戲劇情咁，慢慢騷多少少，引吓大家！」