張繼聰拍戲通頂 謝安琪粗身大勢去探班

20160925
東網電視
更多新聞短片
謝安琪雖然大住個肚,但為咗爭取時間同老公見到,去咗探班!
就嚟再做爸爸嘅張繼聰連日嚟都埋首同林盛斌(Bob)、鄧麗欣(Stephy)等拍攝由葉念琛執導嘅電影《失戀日》,成日開工通頂返到屋企又撞着樓上裝修搞到冇覺好瞓,真係陰公豬!不過呢日佢老婆謝安琪(Kay)雖然佗住BB,但就人肉速遞去咗探班慰夫,簡直係苦中一點甜呀!
適逢尋日(24日)係Bob嘅生日,一班演員都為佢慶生,而粗身大勢嘅阿Kay都去到片場!見到佢着住一件連身裙,仲隱約見到佢着住對「鬆糕鞋」,不過素顏嘅佢精神唔錯,V面亦都仲喺度!而攰爆嘅阿聰見到老婆就梗係好開心,仲搭實老婆膊頭,鬼咁Sweet!
希望阿聰快啲拍完,阿Kay又佗B順利,咁兩個就唔使成日擔心對方喇!