同城城預支蜜月？方媛超低胸黑超藏玄機

早前舞王郭富城喺紅館舉行15場演唱會，「城嫂」方媛放低工作突登飛嚟香港撐場，仲幾乎睇足咁多晚，連城城都讚女友乖！城城開完騷後，唔知係咪孖住女友去放鬆叉叉電呢？呢日方媛就喺微博上載多張相，有自拍又有人幫手揸機，其中一張佢着住潛水衣戴住副超嘅相，佢副超反映咗個「攝影師」，唔通呢個就係城城？

「城嫂」都真係好識歎㗎～佢去到陽光與海灘嘅地方，又着住件Deep V白色長裙，幾咁有仙氣！佢仲留言：「充電滿滿～勤勞的小蜜蜂?已經開工啦！」究竟係咪同城城一齊去旅行呢？