口花花因為徐志摩?馬浚偉爆抽離唔到角色

2016年09月25日 15:40
東網電視
更多新聞短片
唔知佢哋個「仔」會係點呢?

藝人馬浚偉、萬綺雯(蚊蚊)及羅敏莊到西九龍中心宣傳舞台劇,身兼編劇、導演、男主角的馬浚偉說:「我哋已經進行咗總綵排,好順利,好感動,心情就好似睇住個仔出世咁,但羅敏莊話綵排啫,未算出世,話我依家只係見到『雀仔』咋喎,哈哈哈!我好多謝佢同萬綺雯,佢兩個啲感情戲,睇到人眼濕濕。另外蚊蚊為個劇學崑曲同華爾茲,大家都對佢嘅崑曲拍爛手掌!」

馬浚偉又自爆近日抽離唔到角色,他說:「唔知係咪受劇中徐志摩影響,啲同事話我呢排口花花咗,頭先我喺商場停車場,有個嬸嬸問我做乜靚仔咗?我答佢:『梗係,唔係點襯得起你!』嬸嬸好開心,人生就應該開開心心!」