李佳芯預告新劇有性感演出：會露吓線

藝人李佳芯（Ali）於尖沙咀出席首飾活動。Ali表示將於10月開拍新劇，飾演法官，又謂自己私下的生活較開放，喜歡去夜蒲。問到於劇中的角色是否要穿得比較清涼？Ali說：「係，傾古仔嗰陣監製都想我着得sexy啲，但唔一定暴露，希望大家有驚喜！」問到會否露事業線？她笑謂：「露吓眼線同腳嘅線條啦！」Ali透露新劇會與王浩信及蔡思貝等合作。

講到最近密密拍劇，問到會否令接商演的價錢更高？Ali謂：「呢個工作都幾個月前接，我唔知價錢，都係經理人決定啦！」