Ella孖老公米蘭放閃 網民齊齊催生B

20160926
東網電視
更多新聞短片
有冇顧單身人士嘅感受。
台灣女子組合S.H.E成員Ella(陳嘉樺)早幾日就飛咗去米蘭,出席當地舉行嘅時裝活動,事先已經講明今次會寓工作於拍拖大晒恩愛。Ella忙完一輪之後,終與有時間同老公賴斯翔出去四圍行吓,影咗唔少靚相仲即時喺網上同大家分享吓佢同老公有幾甜蜜,啲相除咗攬到實同頭貼頭之外,當然唔少得有錫錫相,真係冇戴黑超都會畀Ella閃盲。
一向出名搞鬼嘅Ella仲話估到網民睇完啲相會問乜嘢,自己出甫嘅時候順手TAG埋「#大家一定會叫我們順便好好造人」、「#每天行程滿檔到晚上累癱如何造人」呢啲說話,防止網民再追問佢幾時造人嘅問題。其實粉絲都咁關心,Ella係咪都要認真計劃吓幾時造人?