大肚林心如晒近照 意外洩露BB性別?

20160926
東網電視
更多新聞短片
仔仔女女仔仔女女…噢!好難估呀!
40歲台灣女星林心如喺今年7月底於峇里下嫁藝人霍建華,更喺9月7號承認有身孕,不過佢當時就表示仲未知腹中胎兒係仔定女。
榮升準媽咪後嘅心如為咗增磅,近排都Keep住密密食,一於同腹中BB開心Share!呢日佢又喺微博晒出食Cake相,仲唔介意以素顏示人,睇嚟佢嘅心情真係好靚咁啵!心如留言:「像彩虹一樣的生活」,真係隔住個Mon都Feel到佢有幾幸福!
有網友睇完心如嘅近照後,大讚佢好似18歲少女咁可愛。另外亦有心水清嘅網友表示由於女人大肚後,飲食習慣會改變,加上有傳如果大肚婆係佗慈姑椗嘅話會鍾意食甜嘢,於是網友就紛紛喺度競猜BB嘅性別係唔係仔。
雖然身為新手父母嘅「華心」對於BB嘅性別三緘其口,不過計小編話,佢哋顏值咁高,生出嚟嘅BB無論係仔定女都好,CP值一定唔會低得去邊囉!