孖宋熙年威尼斯度蜜月　陳智燊個樣勁歎

無綫小生陳智燊早前同華姐宋熙年喺英國秘密舉行婚禮，而雖然婚後佢哋繼續低調，但依然冇嘢逃得過大家嘅法眼。原來，佢哋兩個靜靜雞去咗威尼斯度蜜月，而洩露呢個行蹤嘅就係宋熙年本人，既因佢喺自己嘅instagram度，hashtag咗威尼斯呢個地方；不過就算女主角唔洩「蜜」，明眼人睇相都知道佢哋身處嘅地方係威尼斯。

雖然呢兩公婆今次冇上載合照放閃，而係各自上載近照，但依然Feel到佢哋嘅甜蜜。皆因陳智燊喺留言度話：「who da boss？da boss is holding the camera.have a great week everyone！」公開咁隔空嗌老婆做老闆，擺到明放閃啦！

不過成件事嘅亮點，其實係陳智燊喺張相度嘅「狀態」。戴住副超嘅佢，除咗個樣Chok到冇朋友，佢對攤到開一開嘅手，同埋晾咗上貢多拉嘅腳，完完全全感受到佢有幾咁得戚同寫意，見到老公個款咁「寸」都仲忍受到，小編想畀個叻宋熙年。