房門離奇打開　許雅婷爆北京酒店遇怪事

少女標本成員簡淑兒（Jessica）和許雅婷（Kabby）出席萬聖節活動，問到二人有否試過真撞鬼，Jessica表示沒有，並謂只玩過鬼屋：「我試玩過一次鬼屋，玩咗10秒就想走，但冇得走，所以之後係一路喊一路玩，啲鬼叫一下，我又叫一下，我唔嚇得。」

Kabby則表示剛在北京的酒店遇上恐怖怪事：「我喺北京拍劇，係同江若琳同內地演員合作嘅，但我喺酒店瞓覺時，聽到有人敲門，我問佢咩事，有把女仔聲話係服務員，之後有個影飄入嚟，跟住我唔郁得，用力張開眼，瞓醒以為發夢，但好真實...後來真係見到道門開咗少少，我第一次有咁嘅經歷。」

問到二人會否找男友保護自己，二人表示：「我哋互相保護。（你哋互嚇？）呢啲係玩鬼屋嘅樂趣，感受吓氣氛。」