阮兆輝吳美英推廣粵劇支持「梨園之最」

20160928
東網電視
更多新聞短片
阮兆輝與吳美英支持《戲曲天地-梨園之最》活動。
粵劇名伶阮兆輝、吳美英等出席《戲曲天地-梨園之最》啟動禮,首次舉辦的「梨園之最」,將嘉許表現優秀的粵劇工作者,二人表示非常支持,因為可以推廣粵劇,而他們看到現場有粵劇界的新血及小朋友,認為是好事,可以將粵劇薪火相傳。
問有何秘訣傳授給新血?兩人表示沒有秘訣,只有勉勵的說話,吳美英指最重要勤力及有恒心:「要多鑽研,花時間去浸淫,跟完師傅學咗基本嘅嘢,再要自己消化,將自己嘅優點加落去。」阮兆輝亦指不相信有天材。
現時娛樂比以前多
至於可覺新一代的後輩較難做到?吳美英說:「冇話邊代嘅,睇吓你有冇心,依家有好多演出場地同機會,但唔好嘅就係太多機會,佢哋冇時間去鑽研,以前我哋係要等機會。」阮兆輝則認為是大環境的轉變,因現時的娛樂比以前多:「以前我哋起身之後,除咗瞓覺之外,都係學戲,一係睇人哋嘅戲,唔會覺得辛苦,因為已經習慣咗。」
而吳美英亦謂現時的智能手機隨時隨地可以接收到最新資訊和娛樂,以前連錄影、錄音器材都很缺乏,學戲要全靠死背:「我哋靠個腦去記,唔記得就冇,所以要死背。」阮兆輝大嘆:「科技進步,但藝術退步。」