【網民話似伊健】蕭正楠自認同發哥撞樣

「神級影帝」周潤發（發哥）深受歡迎，所到之處都吸引大批市民圍觀兼「集郵」，就連藝人蕭正楠（Edwin）都唔例外。Edwin今日拍攝無綫劇《翻生武林》嗰陣巧遇發哥，自然趁機同對方合照，仲喺微博晒「集郵」成果，唔少網友都大嗌葡萄！

視發哥為偶像嘅Edwin相當興奮，仲自認同發哥「撞樣」，佢留言話：「封了你做我的偶像已經有30年！今天有幸見到你廬山真面目！你待人處事真的是我的學習好對象，曾有人說我們長得有點像！今天我終於發現共同點，就是我們露齒笑的時候可以見到牙的！謝謝你發神！」不過，有粉絲覺得Edwin同鄭伊健仲似樣，猶如失散嘅兄弟一樣，唔知翠如BB又點睇呢？