【銀髮＋眼袋】法拉憔悴樣　網民讚靚？

女神陳法拉喺8月完成同子華神合演嘅舞台劇後，已經返咗美國繼續做學生妹，不過唔通辛苦得滯，捱到白頭髮同眼袋都出晒嚟？

法拉今日喺instagram上載大頭自拍照，見佢一頭銀髮、雙眼無神、嘴唇乾裂、面容憔悴，仲送上兩個大眼袋，真係畀佢嚇一跳！原來呢個係舞台老妝，仲要係自己化，個妝畫得非常之逼真，完全似出於專業化妝師嘅手筆！法拉留言：「The magic of makeup! 我自己畫的舞台老妝，點個贊（讚）給我吧，哈哈哈！」畀十個讚你又點話呀，畫完都係咁靚仲要自己畫，網民都大嗌法拉老咗都仲係咁靚呀！