【姊弟戀冇壓力】李漫芬未婚夫險洩年齡

無綫娛樂主播李漫芬（Fanny） 到元朗為活動擔任主持，圈外未婚夫Alvin（談成坤）到場支持，Fanny手上戴着Alvin所送的求婚戒指。

相識經過勁有緣

Fanny透露婚期仍未落實，她說：「要搵師傅揀日子，要夾好多嘢，唔會係今年內嘅事。（你兩個點認識？）之前我為一個婚宴做司儀，本來去唔到，後尾去得成，本來安排我坐另一枱，後尾調去坐Alvin嗰枱，而佢原本係唔去，後來改變決定，都可以話幾有緣。（會搵曾志偉做你婚禮司儀？）嘩，佢咁貴，我點請得起呀！」

李漫芬出口保密

問到Alvin喜歡Fanny甚麼？他說：「鍾意佢着衫靚，即使唔貴嘅衫，佢都着得好靚，又鍾意佢唔係工作嘅時候好細路女。（女友被質疑年齡報細數，有冇心痛？）唔會，最緊要係將來一齊過嘅日子，我淨係會擔心會唔會我哋遲咗識，少咗啲日子見！（姊弟戀有冇壓力？）冇！」Fanny聞言怕Alvin洩密，隨即幫口向記者「詐型」謂：「你依家喺度『chok』緊佢（Alvin）喎！」

未婚夫自嘲年紀大

Alvin亦對自己歲數很保密，他說：「我好大年紀啦！（你個樣好後生？）我皺晒皮喇！」