【婚宴倒數3日】楊怡冧晒Sweet爆婚照

藝人楊怡同羅仲謙喺今年3月嗰陣，已經去咗英國古堡秘密影婚紗相兼行禮，佢哋仲會喺嚟緊呢個星期日（10月2日）正式舉行婚宴，當日佢哋仲將會正式註冊成為羅生、羅太。

雖然婚宴舉行在即，但準人妻楊怡心情好似唔多緊張，今日仲喺微博上載婚紗相。雖然只係得背影，不過睇到楊怡小鳥依人咁挨住謙謙，而謙謙亦攬實老婆，真係隔住個Mon都Feel到佢哋有幾甜蜜！楊怡留言話：「進入倒數階段，Day3。」仲喺留言中Tag咗謙謙，加上心心圖案，認真冧爆。