傳展鵬老土招溝定欣:大家覺得我哋一對
藝人陳展鵬出席無綫新劇《同盟》的開鏡儀式,被指以「古法」溝胡定欣的他,在儀式上被監製文偉鴻將緋聞擺上枱謂:「你講吓你嗰啲係咩古法呀?」展鵬聞言,即笑指只懂古法中醫。
自認怪人
展鵬受訪時笑謂:「好彩佢唔係講古法乜乜,唔係就瀨嘢啦!」他否認追定欣傳聞,至於見到定欣可會尷尬?他說:「唔會啦,我都有經驗㗎啦,好開心《城寨英雄》渲染力延續到《同盟》,大家都覺得我哋一對!」談到有指他為了保護戀情而刻意與定欣保持距離,他說:「我性格怪你哋都知㗎啦,有時諗嘢就會孤立自己,有時工作就會咁!但我哋關係冇事嘅!」又指與定欣合作過,有工作默契。
與定欣有親熱戲
至於二人可有因《城寨英雄》受歡迎而多了工作?他謂二人有齊齊出騷,亦有去過登台。他透露《同盟》已開工四,五天,直言多動作戲,更爆料指與定欣有親熱戲,他說:「嗰啲親熱戲係好埋身嘅動作戲,玩柔道。(驚會掂到定欣?)我唔驚呀,大家都係專業演員,我哋多鬥戲嘅,劇入面好動同玩得,定欣就做保鏢!」