身為「胡說八道會」成員之一的藝人姚子羚，被指是第一人知道好姊妹胡定欣和陳展鵬「撻着」，她接受《東網》訪問，大讚男方是筍盤：「我唔知佢哋係咪拍拖，我哋成班姊妹聚埋一齊嘅時候，都唔會問對方戀情事。（二人合襯嗎？）希望佢哋真係有發展機會，覺得兩人郎才女貌！其實我都識展鵬好多年，佢外形好，係筍盤，又係孝順仔，佢哋拍《城寨英雄》情侶檔都好受落。」

而另一成員黃智雯同樣認為二人合襯，並謂：「定定（胡定欣）係好女仔，有人追一啲都唔出奇，佢自己都話咩人都有可能啦，最緊要佢開心！等我問吓佢先。」