展鵬護花不力？定欣心急維護：唔關佢事

《東網》收到獨家消息，指胡定欣拍攝無綫劇《同盟》時拗柴受傷，需要停廠休息。對此，定欣接受訪問時直認現時正值休息中，之後開工都只能先拍文戲，動作場面要稍後才能拍。問到腳部傷勢，她謂：「都係自己一時心急，落地時偏咗，當時就好似啲沙炮聲咁啪一聲，當時都唔敢郁，即刻坐喺地下，劇組同事都幫我敷冰，因為我行唔到，所以都Call咗十字車，好在照咗X光後冇事。」

記者笑言展鵬護花不力時，定欣即謂：「唔關佢事！佢係一個好好嘅拍檔，大家互相照顧，佢對住我哋女仔都會好緊張，唔想整親我。」