新片收2.5億　張智霖嘆冇得分紅？

藝人張智霖今晚出席有份主演的《S風暴》慶功，對於電影在香港、澳門和大陸票房共收2億5千萬港元，他表示恭喜黃百鳴，更讚對方旺，笑言希望下部電影可以有分紅，多多益善，少少無拘。

望下部全程做植物人

問到會否再拍系列電影？張智霖說：「唔知，因為去到下半年先有期，又要做真人騷，同埋要拍其他戲，同埋我喺呢部戲最後都死咗，要睇導演和編劇有冇其他新想法，只要合情合理自己先有興趣，睇故事為主。（拍前傳？）呢個已經係前傳。（拍前前傳？）希望下部全程做植物人，仲要分紅就好，不過天下間邊有咁好嘅工呀，床上戲都唔易做。」他透露明天便離港工作，十月份大部份時間會在上海，與太太袁詠儀做真人騷。