開心再Part安仔　蔡少芬：返番以前年代咁

藝人蔡少芬有份主演的《S風暴》票房大收2億5千萬港元。她出席慶功晚宴時，表示是自己從影以來票房最佳的一部戲，並自言有份參予很榮幸。

提到她將返回無綫拍《老表3》，她承認11月會開始拍，並拍到明年1月；不過問到詳情時，她只肯透露角色與郭晉安是一對。問到是否取代萬綺雯，她笑說：「王祖藍話唔講得住，不過個故事唔同，我係執二攤，故仔唔同晒，我個人好謙卑，只要大家能夠開工，好玩就開心，祖藍同我傾時已經話係原班人馬。同郭晉安上次合作已經係拍《創世紀》，今次《S風暴》同古天樂合作，古天樂都係《創世紀》㗎，好似去返以前年代咁，再合作梗係開心啦。」

她又指不時有跟郭晉安於聚會和朋友生日派對上碰頭。提到被指因回無綫拍劇失去接內地工作機會，她即笑謂：「我今次咁有心返娘家，相信監製一定會畀我度期。」她又認為很多事情有得必有失，選擇好便不會後悔。談到是次重返娘家拍劇酬勞，她指因為自己是還「舊約」，故酬勞同依家「冇得比」，她說：「我份係舊約，拍完呢部就還晒喇。選港姐之後咁多年，冇得計，最緊要可以玩。」