辣嘴包外冷內辣　陳浩民嬲爆否認智商低

藝人陳浩民與老婆蔣麗莎（Lisa）攜同一仔一女出席男士品牌禮服發布會，談及日前二人在飛機上食麵包灼傷致紅腫及損傷一事，二人表示已「好番好多」。陳浩民及後強調跟太太不是被高溫麵包燙傷，而是灼傷：「個麵包係凍嘅，我哋係畀個麵包『辣』親個嘴，我哋智商唔係咁低唔識分，係覺得個嘴好似潰瘍，起晒沙咁。（航空公司點處理？）有打電話慰問我哋話會跟進。」Lisa則表示希望知道麵包裏到底有甚麼：「好彩唔係小朋友食到，否則仲慘，依家個包拎咗去食環署化驗。」

陳浩民再強調入院做檢查是航空公司的醫療安排，Lisa則補充指曾拒絕入院，後來因航空公司服務員再三游說，才答應到醫院做檢查以保心安。