老公被指財困　文頌嫻Sad爆：影響囡囡

藝人文頌嫻到電視城錄影節目《我愛香港》，她否認為復出鋪路，她說：「其實以往獎門人（曾志偉）都有搵我哋，今次就係夾到阿佘（佘詩曼）個期，所以上節目，如果我等《獎門人》嚟復出，餓死啦！（會拍劇？）我係有戲癮，但我將第一位擺咗喺個女度，佢依家幼稚園中班，我好緊張佢揀小學，我係唔放心將個女交畀工人姐姐或者奶奶嘅，拍劇佔咁長時間就唔會，或者等個女再大啲先，睇到時仲有冇人搵我。」

老公財政冇問題

對於佘詩曼指文頌嫻早前為老公財困傳聞而不開心，文頌嫻說：「我自己喺呢行出身，食得鹹魚抵得渴，但影埋我個女，講埋學校名，梗係有啲影響，係唔開心嘅，但姊妹們開解我，都唔好太在意。（老公目前財政狀況如何？）冇問題，但我唔想多講，唔想變成每次出嚟都要講咁。」