【乘機撒嬌?】胡定欣拗柴受傷停廠休息
胡定欣昨晚於電視廣播城廠內為無綫新劇《同盟》進行拍攝,定欣趁未正式埋位前與武指師傅排練,可惜不慎拗柴扭親左腳,現場更聽到「啪」了一聲。

搞笑的是,起初定欣完全不知道自己拗柴,更問同場的陳展鵬:「頭先係咪啪一聲呀?!」展鵬答完「係」後,定欣才大叫好痛,到底真係咁後知後覺,定係佢係乘機向展鵬詐嬌呢?真係不得而知嘞。

事後,監製文偉鴻就陪定欣入醫院接受診治,幸而定欣未有傷及筋骨,不過就要暫時停廠休息,休息兩天再看情況才能決定是否復工。

雖然定欣依家休息緊,但近日愛上在社交網傳情的她,上載了「熊貓仆倒」的搞笑照片,更留言:「真係呢......」唔通佢想陳展鵬隔空呵番佢?